الشابندر يوبخ نجل المرجع المدرسي: طبّق أفكارك في بلدك وليس في العراق

هاجم الكاتب والباحث العراقي غالب الشابندر، اليوم الأربعاء، الخطيب الديني مرتضى المدرسي، نجل المرجع الشيعي محمد تقي المدرسي، على خلفية فيديو تحدث فيه نجل المرجع عن نوايا بتغيير القوانين العراقية، وأنهم لن يقفوا عن تعديل قانون الأحوال الشخصية بل قد يصل إلى تغيير قانون العقوبات والمحكمة الاتحادية، الأمر الذي أثار غضب الشابندر.

وطلب الشابندر، من نجل المدرسي بأن يعرف حجمه ويحترم الآراء، أو العودة إلى البحرين حيث كان يقيم هناك، مشيراً إلى أن المرجع علي السيستاني بمكانته العلمية لم يجرأ على أن يتحدث بهذه الطريقة.

وعرض مقدم برنامج “الحق يقال” عدنان الطائي، في بداية الحلقة، والتي استضاف فيها الشابندر، مقطعاً فيديوياً، للخطيب مرتضى المدرسي، والذي قال فيه: “إذا فد وحدة ما عاجبها نطبق حكم الله فيما يخص الأحوال الشخصية وتكول تعالوا طبقوا في باقي الجوانب، أنا أبشرها ترى أحنه مراح نوكف عند هذا الحد. احنه قانون العقوبات هم راح نغيره وقانون المحكمة الاتحادية، ويجب أن تعود الأمور بيد الفقهاء في هذه البلاد، لعد نخلي بيد من هب ودب حتى جنابكم كل يوم يعجبكم تغيرون. اليوم قانون عفو عام وطلعوا الإرهابيين وكل يوم تسوولي فد شي جديد؟! لازم يكون بيد الفقهاء اللي هم أمناء على الحلال والحرام وهم اللي الناس يثقون به وانتي خليج تريدين تصيحين تريدين تعربدين عربدي احنه شغلنا راح نسوي وهذه خطوة وتليها خطوات بأذن الله تعالى”.

ورد الشابندر، على الفيديو بالقول:

"هذا خطاب فوقي وإرهابي غصبن عليكم وترضون ما ترضون بس عوزة يكول انعل أبوكم لا أبو الجابكم"!

وتابع الشابندر: "انت منو؟ أولاً انت شنو قيمتك العلمية؟ هل أنت مجتهد؟ واذا ابن محمد تقي المدرسي، وشنو مستواك العلمي وشنو هل الفوقية! ومنين جايب هذه الشرعية الي تفرض بيهة على الناس، الدستور صوتوا عليه ملايين الناس وانتظرونا وبعد وبعد، انت منو؟ السيستاني بعظمته ما كال هذا الشي، اسحاق الفياض بعظمته ما كال هذا الشي، محمد سعيد الحكيم مال كال هذا الشي".

واختتم الشابندر: "عزيزي روح طبقها بالبحرين بلدك الأساسي اللي جنت بي وتعال هسة هنا أحجي بهذه الطريقة، مو شفتوا حرية وشوية هامش من الديمقراطية، تريدون تستغلون هذا الشيء بهذه الطريقة لخلق فتنة، فاحترم نفسك واحترم عمامة رسول الله، واحترم رأي الآخرين".